У першы дзень лета згулялі заключны 7-ы этап сезона 2023-2024 гг. Этап выдаўся насычаным на нечаканасці. Пачалося з таго, што Андрэю Акінфіну прыйшлося запусціць апаратуру і... зняцца з турніру. Потым наш няўлоўны Аляксандр Далгоў знік і не выходзіў на сувязь, а калі выйшаў, аказалася, што ён усё ж гатовы прыехаць, хоць і да другога круга... Але потым, згуляўшы няпоўны круг, непапаўшы ў плэй-оф, зноў развітаўся з усімі... Таксама здзівіў Уладзімір Сліж, які сёння ўпершыню ў сваёй кар'еры ўзяў 1 месца ў кругавым чэмпіянаце, а потым здзівіў яшчэ больш... Але галоўнай сенсацыяй турніру стаў вынік Вадзіма Крыніцкага... Так мала народу прыйшло, а столькі ўсяго цікавага адбылося...
А вось і падрабязнасці:)
Барацьбу ў двухгругавым этапе за выхад у плэй-оф пачалі 10 гульцоў. Аляксандр Даўгоў пры гэтым атрымліваў свае дзяжурныя 0:5 з кожным гульцом. Пацешна, але ва ўсіх лідэраў сезона гульня сёння не клеілася. І вяртаючыся да нечаканасцяў, можна адзначыць яшчэ і тое, што Віталь Куратнік абышоў бацьку ў турнірнай табліцы. А розніца паміж Віталём, які стаў чацвёртым, і Мацвеем Шыркаўцом, які апынуўся трэцім, была ўсяго толькі 2 ачкі... Аляксандр Авін паказаў нядрэнны вынік і заняў 6 месца. Аляксандр Шыркавец, абышоўшы Вадзіма Крыніцкага і Аляксея Краўчанку, стаў 7 - ым. За парогам плэй-оф апынуліся двое: Аляксандр Далгоў, які згуляў усяго толькі 7 матчаў, і Аляксей Краўчанка (гэты хлопец не перастае здзіўляць ад турніру да турніру). Яны чакалі тых, хто прайграе першы раўнд плэй-оф, каб разыграць медалі Першай лігі. Забягаючы наперад, скажу, што Саша і зусім не дачакаўся...
Прызёры кругавога этапу:
Пары плэй-оф:
Аляксандр Бартош - Аляксандр Шыркавец. З дзвух Аляксандраў перамог першы - 4:0.
Мацвей Шыркавец - Аляксандр Авін. Аляксандру ўдалося ўзяць толькі 1 матч, перамога за Мацвеем - 4:1.
Уладзімір Сліж - Вадзім Крыніцкі.
Валодзя пачынаў гульню, як заўсёды, аптымістычна, гучна і ўпэўнена. Але пасля першага прайгранага матчу 1:8 яго голас стаў крыху менш чутны. Другі матч супернікі давялі да авертайма, дзе ўдача спадарожнічала Вадзіму. Валодзя занерваваўся, і трэці матч стаў пераломным: Валодзя абыграў Вадзіма ўсухую - 3:0. Здавалася, што Валодзя намацаў сваю гульню, але чацвёртая гульня таксама апынулася за Вадзімам - 2:1. Калі зроблена ільвіная доля працы, і засталося зусім ледзь-ледзь, Вадзім часам расслабляецца, але не сёння. Здабыўшы ў наступным матчы чарговую перамогу 3:1 над партнёрам па сваёй камандзе, Вадзім праходзіць далей.
Віталь Куратнік - Эдуард Куратнік.
Тут клас і вопыт узялі сваё - 0:4.
Прайграўшыя ў гэтым раўндзе бяруць у сваю кампанію Аляксея Краўчанку і ідуць разыгрываць медалі Першай лігі. Ці нечакана тое, што менавіта Лёша і стане па выніку пераможцам гэтай самай лігі? Вырашаць вам. Другім стаў Аляксандр Авін, саступіўшы Аляксею толькі па розніцы шайбаў. Уладзімір Сліж стаў трэцім, мабыць яшчэ не адышоўшы ад паразы ў плэй-оф.
Паўфінальныя пары плэй-оф апынуліся наступнымі:
Аляксандр Бартош - Мацвей Шыркавец. Рэдкі турнір абыходзіцца без іх супрацьстаяння. Сёння перамога за Мацвеем - 1:4. Хоць і нялёгкая, амаль усе матчы з мінімальнай перавагай.
Вадзім Крыніцкі - Эдуард Куратнік.
Калі мне не змяняе памяць, Вадзіму яшчэ ніколі не ўдавалася абыграць у серыі Эдуарда. Але з улікам яго сённяшняй упэўненай гульні гэта не было невыканальнай задачай. Так яно і атрымалася. Серыя апынулася, як пад капірку, напісана з папярэдняй гульні Вадзіма: 2 перамогі, 1 параза, і зноў 2 перамогі. Вынік - 4:1. Вадзім упершыню ў сваёй кар'еры ў фінале!
7 працавітых гадоў гульні ў настольны хакей! Ці тое яшчэ будзе, Вадзім!!
У матчы за 3 месца Аляксандр Бартош абыграў Эдуарда Куратніка - 3:1.
Фінал Мацвей Шыркавец - Вадзім Крыніцкі быў шматабяцальным. Мацвею трэба было даказваць, а Вадзім мог гуляць цалкам сабе ўпэўнена, ён і так сёння зрабіў шмат, але ці ўсё?...
Першы матч - абодва асцярожнічаюць, дагуляліся да авертайма, дзе больш пашанцавала Мацвею. Другі матч Мацвей гуляў больш упэўнена і скончыў яго ўсухую - 5:0. Трэці і зусім апынуўся багатым на галы - 10:1, пасля чаго Мацвей выдыхнуў. Гульня зробленая, так здавалася ўсім прысутным. Акрамя, мабыць, аднаго - самога Вадзіма. Чацвёрты матч ён кладзе ў актыў сабе, пяты бярэ ў авертайме, у шостым на куражы таксама абыгрывае Мацвея. 3:3 у серыі, а яшчэ нядаўна нічога не прадвяшчала такога развіцця падзей.
Вырашальны матч сабраў усіх прысутных! Кожны хацеў быць сведкам таго, што магло вось-вось адбыцца. Але трэба аддаць належнае Мацвею, ён умее збірацца і канцэнтравацца на гульні. У гэтым вырашальным матчы ён абыграў Вадзіма - 5:1.
Прызёры турніру:
Апошні этап гэтага года заслужыў такі надзвычайны фінал!!
Сёння ўсё ж такі дзень нечаканасцяў!
Віншуем усіх прызёраў і ўдзельнікаў гэтага турніру, а асабліва Вадзіма Крыніцкага з яго першым кубкавым трафеем!
7 этап падвёў рысу пад мінулым сезонам, вызначыліся прызёры і выніковыя месцы нашых гульцоў па выніку года. Пра гэта Вы зможаце даведацца з наступнага матэрыялу, які ў хуткім часе будзе апублікаваны на нашым сайце.
Гуляйце ў настольны хакей, сябры!
